Nuestra tienda - A nuestra botiga

6 ene 2008

Falordia d'os Reis



(Fotos de J.A.Vicien y D.Tomas- Los Reyes Magos llegan a Laspuña)


"Falordia d'os Reis
No oblidaré nunca aquer maitín d'o seis de chinero ; feba poquets diyas eba cumpliu as mías primeras sisanta y una añadas. Mientres a nuei anterior un suenio estranio emplenó o mío corazón d' embudias . Por ixo me'n debanté mui temprano , no podeba siguir durmiendo , bellas glárimas amostraban a mía tristura .
Me senté en o canto d' o catre y continue plorando , mientres remeraba a lo follet que en os míos suenios meba dito algo que yo no podeba creyer ... por ixo a mía tristura ixa maitín d'o seis de chinero .
Con a suya boz de follet meba dito :" Me estrania que con a tuya edá no lo sepas : os Reis Magos no esisten , son os grans , cheneralmén os padres , os que mercan os regalos ".
continuo charrando , sin importale o mío dolor y anque ya no quereba ascuitar-ne y feba lo fesable ta alexar-me d' el , a suya boz aguda y a suya risa chuzona resonaban en os míos oídos, hasta que a lo fin podié dispertar .
Encomenze os traballos d'o diya alcontrandome mui mal , sin deseyos de fer cosa .
Ta entretener-me un poco y alibiar a mía pena salí a caminar y me trobé con muitos mozez chugando en as carreras y comentando entre els os regalos recullitos , que por zierto yeran mui majos .
Claro !, pensé ., os padres d' istos ninons tienen prous diners ta compralenes .
Continue andando , sin endrezera fixa , y asinas pasé por un barrio más pobre , por l'ospital , por a ilesia y por ultimo llegué ta un barrio de casetons y beyé que toz os ninos teneban bel chuguet entre as suyas mans .
Os sentimientos yeran semelláns en todas partis . Padres e fillos d'o barrio rico , a ilesia u l'ospital teneban en os suyos rostros a mesma esprisión de felizidá , sin relación con o balua material d' os regalos , se reflexaban en as suyas güelladas a emozión , l'alegria , a sorpresa , l' amor , tot l' amor .Fue allora cuan os míos labios tornaron a fer una rialleta .
Aguardé a nuei ta fablar con o follet d' os míos suenios y cuan arribó li conté lo que eba bisto .
Me ascuitó con muita ficazio y me dizió :" Mientres aiga chen güena , corazóns abiertos, presonas que quieran a os ninos , a las que no importe o color d'o pellejo u a posizión sozial , os Reis Magos continaran llegando , els nunca dexarán de benir ".
A suya rialla sonora se'n fue apagando , mientres se elebaba ta lo alto . Yo me quedé mirando cómo se perdía en a nuei y entonces me paicio beyer entre as estrelas as siluetas d' os tres Reis , en os suyos camellos . que se alexaban con as bochas rebutidas de cartas .
Acaricié a mía barba , como lo foi perén que soi goyoso ... una d' aqueras cartas yera a mía . "

D'o libro :" Falordiasta Ninos de 8 a 108 [II] "- [Pancho Aquino]. (Traduzion libre a Fabla - J.Betato)

No hay comentarios:

Publicar un comentario

Se respetuoso con tus comentarios.
No se publicarán si el autor no está debidamente identificado.
Gracias