(Fotografias do paso biello d'as Devotas)Dispues de tantismos añadas , os recuerdos se borran u te los fan borrar .
As bersions d'o inzendio de Bielsa desiempre an estau dos , una as bombas franquistas y l'atra a de tierra cremada ta o benzedor . Pero en a mía casa desiempre e ascuitau a mesma istoria, año tras año y no ha bariau ni una bolisma ." Joaquin Betato Pera,o mío yayo ,formaba parti d' os zaguers soldaus que defendion o paso d' as Debotas , abandonon o puesto que teneban asinau cuan recibion fuego cruzau y un intenso ataque de morteros . Inutilizon a metralladora que teneban ( no mas una ta esfender un paso prenzipal ) y emprendion a retirada ta Salinas , en ixe trayeuto lis fizon barias baxas y s'achunton con os meliziáns que baxaban d'a redolada d'a Comuna . Abieron de ir monte atrabes y escondese de contino ya que os abións franquistas buelaban a redolada fiendoles mas difizil a suya retirada. Cuan columbron Bielsa ya ardeban dos casas . Y chunto a os suyos compañers beyoron como os abións bombardeyaban o lugar y como empezipioron a cremar altris casas ".
¿ Porque no debo creyer ista istoria ?¿ que ganaba u perdeba o mío yayo con una mentira?.
Remato iste escrito con unas parabras que me dizio muitas begadas "Zagal antis muerto que tornar a beyer un'altri 36, en a guerra perdiemos toz, tamien os que ganon"
No hay comentarios:
Publicar un comentario en la entrada