Nuestra tienda - A nuestra botiga

3 jun 2015

Zinco cuentos bien curtos.

- Buenas, yo beniba a mercar un muchonet d'ixos que charran. 
- Cotorras no me'n quedan, pero tiengo un bubón que tamien ye polito.
- Pero ixos charrán...?
- Prebe, prebe, y ya me dirá.
Al cabo d'unas semanas, se troban por a carrera y o tendero le diz a o client:
- Que tal, como marcha o Bubón?
- Quemeseyo.. charrar no charra, pero no beigas como se fixa...
----------------------------------------


Bibiban uns ratonets en a cozina d'una casa an bi abeba un michino, tant buen cazataire, que siempre yera a l'aguaita.
Os pobres ratonichons no podeban asomase por os foraus, ni sisquiera de nuei. Asinas que s’achuntaron un diya pa mirar d’apañar a setuazion.
– Penchemos un cascabillo en o cuello d'o michino – dizió un choben ratonet -, y por o suyo tintineo sabremos de peren an se troba.
Tant incheniosa ideya fazió esbolutase de goyo a totz os ratons, pero o más biello dizió : 
– Muit bien, pero qui estará o que le meta o cascabillo a o michino?...
--------------------------------------

Fa añadas a os turistas se les deziba “beraniantes” y beluns puyaban ta os lugars da montanya como urbanitas de “postín”.
Dos mullers beraniantas yeran gambiando por a redolada do lugar y al beyer a Seño Chusé femando l’ortal, dizioron: “¡¡Uy que asco cuanta caca!!, y mira que hemos empezado bien el día desayunando huevos con patatas”.
Seño Chusé, que las eba sentiu, espetó sin debantar a capeza: “Pues as trunfas s’an feito grans por estar bien femadas y os güegos no salen da nebera, salen d’as gallinas por a culera”
----------------------------------------
Con cara bobalicona y os güellos entreubiertos, os eterios fluidos d'o solimán que cupido le introduzió con as suyas flechas nomás le deixoron farfullar unas tartamecantes parolas, “cariño m’amorto por os tuyos güesichons”.
A presona a la cuala quereban afalagar con ixas parabras lamineras, chiro-se de forma complazient y dizio-le en plan somardo…: Deixa os güesos pa os cochos y complaze-te con tot o que los embolica, que te cuacará muito más.
-------------------------------------------

Bi abeba una begada un cochín urbanita que fazió-se neo rural, le cuacaron as montañas y l'aire natural. Le creixioron os catirons y una cresta-pelo informal. Cuan baixaba ta ziudat, gambiaba argüelloso con o suyo “look tope natural” y as fozinetas le deziban en pasar:
“Oink,oink!!. Que Chabalín tan pincho, me cuaca dica o tuyo caminar”

No hay comentarios:

Publicar un comentario

Se respetuoso con tus comentarios.
No se publicarán si el autor no está debidamente identificado.
Gracias