Escalona,as fiestas zagueras de l'año

(a foto do cartel a siu mimbiada con o telefono mobil,disculpaz a calida)

Ya s'azercan as fiestas d'Escalona as zagueras de l'año en a redolada, ye por ixo que no podez faltar ta zelebralas como se merezen.

No t'os podez oblidar d'ir a fer un bocau y un trago ta "Revestido" http://www.hotelrevestido.net/ o ta Casa Arnal http://www.hotelarnal.com/ a prebar os platos que prepara Pili de Belsierre y rematar o diya con un cafetichon o carajillo y o que sea menester acompañaus d'una charradeta en o bar con Javier.

O lugar d'Escalona se troba en a esembocaduera d'o río Bellós en a Zinca, 10 km ta lo norte de l'Aínsa -direzión enta Bielsa e Franzia- indo per a carretera A-138. Ye un nuclio toristico, abersato més que més á lo comerzio,buena carne en casa Modesto, e la ostelería, pos se troba en un puesto estratechico d'entre os pasos ta las balles d'o Sobrarbe per lo norte, e la balle de Bio, balle de Puértolas e balle d'Añisclo per l'ueste.
Se'n conoixe a esistenzia d'Escalona de 1219 t'adebant, con o primer recuento de poblazión (conoixito) en l'año 1646, que teneba 2 casas (fuegos), pos á par d'alabez, yeran prou més grans os lugars de Puértolas e Bestue e toz os que yeran en alto en a montaña pos yeran més guardatos en caso que abiesen guerras. Tenió ayuntamiento propio dica 1845, que s'abió d'achuntar con Laspuña (A Espuña), e més luego con Puértolas en 1873.
A ilesia la contruyoron d'entre os años 1930 e 1935. No be hay construzións d'estilo tradizional, pos dica lo sieglo XX Escalona no eba sito un lugar guaire important en a redolada. Agora ye un lugar de referenzia en o turismo rural.
¡¡Buenas fiestas Bezins!!