Nuestra tienda - A nuestra botiga

10 mar 2009

A Carrasca sin Pepelin (Jose Luis Sierra)

Guei a Carrasca ye grisa
Pepelin (Jose Luis Sierra) s'en a ido, guei a Carrasca ye grisa. O nuestro pesame ta suya chermana Carmen y ta toz os familiars.
-------------------------------------
Azul y boiras (Chuan Chusé Bielsa)
Dios, ¿por qué os millors se'n ban?
Os que sienten, os que beyen
O zielo con güellos masiau altos.
¿Por qué, tan lugo, los te'n lebas?
Os que dan, os que naxioron
Con un amor masiau intenso,
Os que merexeban, Dios,
Un paisache de sol relichioso, agora.
Caminan enta debán ombres
Que minchan ombres,
Caminan enta debán ombres
Pataquiando sangres.
Caminamos tamién nusatros
Enta boiradas.
Os millors te'n lebas,
Quiers con Tu l'azul d'a Tierra.
Y quedamos nusatros
Aquí, sin zielos, sin alturas,
Y quedamos nusatros,
Os que femos d'a bida una gran duda,
Anguniosa, sin fe.
¿Por qué os millors te'n lebas?
Cata la Tierra, tasta
Las suyas colors sin Dios.
Marchoron os azuls más claros.
Agora, a mirada ye una boira
De tristura, o zielo en alto
Ye nomás una pregunta.

No hay comentarios:

Publicar un comentario

Se respetuoso con tus comentarios.
No se publicarán si el autor no está debidamente identificado.
Gracias