San Sebastian muito mas que una fiesta.

Cartel da fiesta 2014

A fiesta de San Sebastian ye muito importante por a redolada. En Laspuña (A Espuña) ye a fiesta gran de l'ibierno y antis empezipiaba o diya de San Beturian (12 de chinero) en o que se feba a subasta dos praus monizipals da Balle, o prezio de l'arriendo teneba dos partis, una que yera a monetaria y altra que yera en bin. Ixe bin se bebeba en una lifara o mesmo diya en rematar a subasta. Dimpues ya o  17 de chinero se feba a foguera de San Antón y se sentiban os trucos por as carreras do lugar. O 20 de chinero ye San Sebastian,patrón d'os casaus y proteutor da peste, ixe diya ye "a comida" que sirben os cuatro encargaus (clamaus mairaleses o mayordomos) y en a que cada añada se fa entrega do ramo nombrando asinas a os encargaus de l'añada benidera. O zaguer diya de fiesta se feba una colazion con o que s'arreplegaba por as casas,güegos y longazniza.
Tamien en o diya do santo se fa o reparto da Caridad, torta y bin, en a entrata da Ilesia.

As cosas cambian con as añadas pero ixe esprito de bezindad y de fiesta familiar encara ye presente.

Ye una fiesta de benzinda ande os sentimientos afloran.

Os orichens da fiesta estan en a peste do 1651 que diezmo a poblazion de Laspuña. En as añadas da guerra zebil no se zelebro a fiesta y como dimpues do 1939 una pasota d'ixas malas feba que os ninons rezien nazius moriesen y ante o temor que estiese a peste, s'achuntaron os bezins y tornon a recuperar a fiesta en 1942.

A peste do 1651 en Laspuña y Ceresa
(Fragmento del libro "La sociedad española en el siglo XVII" - Antonio Dominguez)

O libro de San Sebastian 1942