Nuestra tienda - A nuestra botiga

31 jul 2014

"A nuestra canta en aragonés"




"A nuestra canta en aragonés" ye un prochecto que mira de empentar a creyación de mosica en luenga aragonesa, sin interés de lucro, nomás con a intención de fer vistera la luenga en a mosica aragonesa d'a mena que sía.
A luenga ye un meyo y, prou que sí tamién una fin, con isto queremos fer viyer l'aragonés como una ferramienta mas aintro d'a creyación artistica.
Queremos dar un empentón a collas que nunca no han visto en l'aragonés cosa vistera, y se animen a fer parte de iste prochecto.

Os obchetivos de "a nuestra canta en aragonés" son:

- Fer un aplego de cantas en luenga aragonesa de collas mosicals, que no han feito cosa en ista luenga y as que sí, ubierto ta todas.
- Promoción y visibilización d'a luenga aragonesa, mas que mas en sectors, dica agora allenos.
- Promoción d'as cantas d'as collas que i han feito parti.
- Normalizacion d'a luenga en l'ambito mosical, y desvincular-la de estilos concretos.
- Trucar o ficacio en o panorama mosical d'a posibilidat de fer cantas en aragonés.
- Posibilidat de levar l'aplego a formato CD, si se dan as condicions que s'amenistan ta iste afer.


Dende a chent que empenta iste prochecto tos queremos animar a fer os vuestros treballos en ista luenga nuestra menazada, y dende aquí se tos ufrirá una aduya lingüistica ta desembolicar as cantas, ya sía traducción u nomás dandalos.

¡Que a mosica no s'ature!


No hay comentarios:

Publicar un comentario

Se respetuoso con tus comentarios.
No se publicarán si el autor no está debidamente identificado.
Gracias