(Cuatro u zinco renglons sobré a historia da fiesta)
.- O diya 20 de chinero, San Sebastian, ye fiesta en cuasi totz os lugars de Sobrarbe o nuestro país. En Laspuña-A Espuña ye a fiesta gran de l'ibierno, en tiempos pasaus empezipiaba pa San Beturian (12 de chinero) diya en o que se feba a subasta d'os praus da Balle que son propieda do conzello, o prezio de l'arriendo teneba dos partes, una que se pagaba con cuartos (diners) y altra que se pagaba en vin. Ixe vin se bebeba en a lifara que se feba o mesmo diya en rematar a subasta. Lo 17 de chinero se pretaba a foguera de San Antón y se sentiban os trucos por as carreras do lugar. Lo 20 de chinero ye San Sebastian, patrón d'os casaus y protector da peste, ixe diya s'achuntan os ombres casaus y mozos en una chenta que se encargan de servir os cuatro mairaleses o mayordomos que cambian cada año y que se nombran entregandoles "O Ramo". O zaguer diya de fiesta se feba una colazion con o que s'arreplegaba por as casas, güegos y longaniza.
Tamien en o diya do santo se fa o reparto da Caridad, torta y vin, en a entrada da Ilesia.
Os orichens da fiesta estan en a peste do 1651, malotia que llevo ta fuesa a la meta da chent de Laspuña y Ceresa. En os años da guerra incivil do 36 no se celebró a fiesta. En rematar a contienda bélica una pasota d'ixas malas fazio que morisen muitos ninons, asinas que por miedo a que habese tornau a peste s'achuntaron os bezins y s'encomendon al amparo divino, fazioron misas a San Sebastian y se recupero a fiesta en 1942.
Hace muchos años los casaus hacian su fiesta y de la solteros la suya recuerdo que la musica la pagabamos los solteros pero despues eran los casaus os que mandaban en ella y el mes de enero que se hacia la subasta de la hierba era en la procesion que se hacia a Fuen Santa en aquellos años se hacian tres procesiones Enero, mayo y srptiembre y siempre qu.ese hacian rogativas
ResponderEliminar